Paul Zumthor, Anthologie des grands rhétoriqueurs

C’est par vous que tant fort soupire

Toujours m’empire.

A vostre avis faictes vous bien

Que tant plus je vous vueil de bien,

Et, sur ma foy, vous  m’estes pire.

 

Ha, ma dame, si grief martire

         Ame ne tire

Que moy, dont ne puys mays en rien

         C’est par vous

 

Vostre beaulté vint, de grant tire,

         A mon œil dire

Q’il fist mon cuer devenir sien.

Il le voulut : si meurt et bien

Je ne luy puys aider ne nuyre :

C’est par vous

Jean Meschinot, Rondeau, dans Paul Zumthor, Anthologie des grands rhétoriqueurs, 10/18, 1978, p. 41-42..

 

Paul Zumthor, Anthologie des grands rhétoriqueurs

    Rondeau clos et ouvert

 

Se j’ay vostre grâce requise,

Et ma volonté s’est submise

A vous aymer plus que mille âmes,

C’a été en espoir, ma dame

Que mieulx que vostre douleur m’en prise.

 

Combien me soit haulte entreprise ;

Mais touttefoys, quant je m’advise,

Il ne peult tourner à blasme,

Se j’ay vostre grâce.

 

Votre honneur point s’en amenuise.

Vous n’en devez estre reprise,

Se moy ou un aultre vous ame ;

Et jà n’en perdrez, sur mon âme,

Vostre liberté et franchise

Se j’ay.

 

Pierre Fabri, dans Paul Zumthor,

Anthologie des grands rhétoriqueurs,

10/18, 1978, p. 279.